भाेजपुर। भोजपुरमा जारीे सातौँ अन्तराष्ट्रिय आमन्त्रित मेयर भोजपुर गोल्डकपमा प्रतियोगितामा सलहेश युवा क्लव सिराहलाई हराउदै चर्च ब्जाइज युनाइटेड काठमाण्डौ फाईनलमा प्रवेश गरेको छ ।
आज भएको सेमिफाइनल खेलमा सलहेश युवा क्लव सिराहलाई १ को विरुद्ध २ गोल गर्दै चर्च ब्वाइज युनाइटेड काठमाण्डौ फाईनलमा प्रवेश गरेको हो ।
खेलको पहिलो हाल्फको ३१ औँ मिनेटमा सलहेश युवा क्लव सिराहाका आसिस चापागाइँले आफ्नो टिमका लागि पहिलो गोल गरेका थिए । खेलको ४३ औँ मिनेटमा पेनाल्टीमार्फत चर्च ब्जाइज युनाइटेड काठमाण्डौका नविन लामाले आफ्नो टिमको लागि गोल गरेका थिए । निकै प्रतिस्पर्धात्मक खेलको दोश्रो हाल्फको अतिरिक्त समयमा चर्च ब्वाइजका आरमण्डले निर्णायक गोल गरेका छन् । खेलको म्यान अफ द म्याच चर्ज ब्वाईज युनाईटेडका अवयोमी बने ।
प्रतियोगिताका विजेता तथा उपविजेताले उपाधीसहित क्रमशः नगद रु. पाँच लाख र तीन लाख पाउने छन् । भोजपुर रंगशालामा बैशाख ९ गतेबाट शुरु भएको प्रतियोगितामा ‘ए’ डिभिजनका दुई क्लबसहित आठ वटा टिमले सहभागिता जनाएको छन् । फाइनल खेल भोली त्रिभुवन आर्मी क्लव र चर्च व्वाइज युनाइटेट काठमाडौँ वीच खेल हुनेछ ।
