भोजपुर । दिङ्ला व्याडमिन्टन संघको आयोजना खुल्ला पुरुष डवल व्याडमिन्टन प्रतियोगिता दिङ्लामा हुने भएको छ । नयाँ बर्ष २०७९ सालको अवसरमा संघले प्रतियोगिता आयोजना गर्ने भएको हो । भोजपुरको षडानन्द नगरपालिका वडा नं. ४ मा अवस्थित कर्वडहलमा चैत्र २८ गतेदेखि प्रतियोगिता सञ्चालन हुने छ ।
प्रत्येक बर्षको सहिद दिवसको अवसरमा आयोजना गरिेन प्रतियोगिता यो बर्ष कोरोना भाईरसको कारणले रोकिएको थियो । कोरोनाको कारण खेलकुद गतिविधिमा निरन्तर खस्किदो अवस्थामा संघले खेलकुद गतिविधि तथा व्याडमिन्टन खेलको प्रर्वधन विकास गर्नको लागि प्रतियोगिता आयोजना गरिएको दिङ्ला ब्याडमिन्टन संघका अध्यक्ष रमेश श्रेष्ठले बताए ।
प्रतियोगितामा प्रथम हुने टिमले ४० हजार मेडल र प्रमाण–पत्र पाउनेछन् भने द्धितिय हुने टिमले २५ हजार साथमा मेडल र प्रमाण–पत्र पाउनेछन भने सेमिफाईनलिस्ट टिमले रु १०-१० हजार साथमा मेडल र प्रमाण पत्र प्राप्त गर्ने व्याडमिन्टन खेलाडी नरेन्द्र तामाङले जानकारी दिए ।
