भोजपुर । आफ्नै काकीलाई भगाएर विवाह गर्ने एक जनालाई प्रहरीले दुई बर्षपछि पक्राउ गरेको छ । गत २०७६ भाद्र ४ गते आफ्नै काकीलाई भगाएर विवाह गरी लगेको हाडनाता मुद्दाका फरार अभियुक्तलाई २ बर्षपछि लुकीछिपी बसेको अवस्थामा पक्राउ गरिएको जिल्ला प्रहरी कार्यालय भोजपुरका सूचना अधिकृत जीवन कुँवरले जानकारी बताए ।
टेम्केमैयुङ गाउँपालिका–१ का तिम्माका ३८ वर्षीय जित कुमार राईलाई लुकीछिपी बसेको अवस्थामा भोजपुर नगरपालिका–१२ टक्सारबाट जिल्ला प्रहरी कार्यालय भोजपुरबाट प्रहरी हवल्दार चितरञ्जन मेहताको कमाण्डमा रहेको गस्ती टोलीले आइतबार फेला पारी पक्राउ गरेको प्रहरी निरीक्षक कुँवरले बताए ।
पक्राउ परेका राईलाई भोजपुर जिल्ला अदालत भोजपुरमा हाजिर गराइएको छ ।
