बलिउडमा नायक-नायिकाहरुबीच अफेयर र ब्रेकअपको घटना सामान्य हुन् । कहिले कोसित अफेयर चल्छ र कहिले ब्रेकअप हुन्छ भन्न सकिँदैन ।
ब्रेकअपपछि कतिपयले सम्वन्ध पूर्णरुपमा तोडेर बस्छन् भने कतिले चाहिँ साथीको सम्वन्ध कायम राख्छन् । अभिनेत्री ऐश्वर्या रायको कुरा गर्ने हो भने उनी पूर्व प्रेमी सलमान खानसँग ब्रेकअपपछि कहिल्यै बोलेकी छैनन् । तर, सलमान र उनकी अर्की प्रेमिका कटि्रना कैफबीच भने अहिले पनि राम्रो सम्वन्ध छ ।
यता ऐश्वर्याका पति अभिषेक बच्चनको उनीभन्दा अगाडि थुप्रै युवतीहरुसँग अफेयर थियो । जसमध्ये एक थिइन् रानी मुखर्जी । रानीलाई छोडेर अभिषेक करिश्मा कपुरसँग सल्केका थिए । करिश्मा र अभिषेकबीच ईंगेजमेन्टसमेत भइसकेको थियो । तर, अन्त्यमा अभिषेकले ऐश्वर्यासँग बिहे गरे ।
पछिल्लो समय आफ्ना पूर्वप्रेमिकाहरुसँग अभिषेकको कस्तो सम्बन्ध छ भन्ने खुल्न सकेको छैन । यद्यपि, यदि ऐश्वर्याले अवरोध गरिनन् भने उनी चाँडै आफ्नी पूर्व प्रेमिका रानी मुखर्जीसँग स्क्रिन सेयर गर्न सक्नेछन् । उनीहरुले ‘बन्टी और बब्ली’ को सिक्वेल खेल्नेबारे कुरा चलिरहेको छ ।
अभिषेक र रानीको प्रमुख भूमिका रहेको ‘बन्टी और बब्ली’ करिब १० वर्षअघि प्रदर्शनमा आएको थियो । लामो समयदेखि यसको सिक्वेल बन्ने कुरा चलिरहेको छ । अब भने यसको स्क्रिप्ट लगभग पूरा भएको बताइएको छ । फिल्मको निर्देशन भने नयाँ निर्देशकले गर्नेछन् ।
यो फिल्ममा अभियन गर्न अभिषेक र रानी दुवै इच्छुक छन् । तर, यसमा अभिषेककी पत्नी ऐश्वर्याको रियाक्सन के हुन्छ भन्ने प्रष्ट भएको छैन । आफ्ना श्रीमानलाई पूर्वप्रेमिकासँग फिल्म खेल्न उनले अनुमति नदिने अनुमान पनि गरिदैछ । र, अभिषेक ऐश्वर्याको कुरा काट्न सक्ने स्थितिमा छैनन् ।
यदि सबै कुरा मिल्यो भने यो फिल्मको सुटिङ नोभेम्बरबाट सुरु हुने बताइएको छ । फिल्मका अन्य कलाकारहरुको चयन हुन बाँकी छ ।
