विराटनगर । कोशी प्रदेश सरकारले निर्माण गरिरहेका २ वटा आयोजनाको वर्षौँदेखि अलपत्र परेका छन् । ठेकेदारले काम नगर्दा सुनसरीको धरानस्थित ल १५ मिटर लामो सडक पुल र सङ्खुवासभाको खाँदबारी क्षेत्रमा निर्माणाधीन १४।४२ किलोमिटर सडक योजना अलपत्र परेका हुन् ।
सुनसरीको धरानमा रहेको लेदुवा खोलाको पुल २०७७ सालदेखि बनाउन थालिएको हो । एक वर्षमा सक्ने गरी ठेक्का सम्झौता भएको भए पनि सो पुलको काम वर्षौँदेखि अधुरै छ।

पुल बनाउन वर्ल्ड ट्रेड कन्स्ट्रक्सन कम्पनीले २०७७ साल साउन देखि निर्माण थालेको हो । करोड २१ लाख ८५ हजार ८१३ रुपैयाँमा ठेक्का लागेको भए पनि उक्त पुल निर्माण समयमै नहुँदा दोस्रो पटक २०८० असार ३० गते एक वर्षको लागि म्याद थप भएको छ । सो आयोजनामा हालसम्म ८९ लाख ५० हजार रुपैयाँ भुक्तानी भइसकेको छ।

सङ्खुवासभाको खाँदबारीस्थित मानेभन्ज्याङ्ग–चन्दनपुर–हेलुवाबेसी सडक पनि जीर्ण छ । सो सडक निर्माणका प्रदेश सरकारले २०७७ ठेक्का लगाएको थियो । ७७ कार्तिक ५ गते २ वर्षमा सक्ने गरी निर्माण व्यवसायी कम्पनीहरू याक्थुमहाङ–खाम्पाचे चाबहिलले ठेक्का लिएका थिए ।

४४ करोड ७ लाख २४ हजार रुपैयाँमा ठेक्का लागेको उक्त सडकको काम अझै सकिएको छैन छन् । सो सडक निर्माण सम्पन्न गर्न दोस्रो पटक म्याद थप भएको छ ।

२०८१ वैशाख ३० गतेसम्ममा सक्ने म्याद थप भएको भए पनि हालसम्म पर्खाल तथा नाला र कल्भर्ट निर्माण भएको तथा सब–बेस ओछ्याउने, रोल गर्ने तथा कम्प्याक्शन गर्ने कार्य भइरहेको मन्त्रालयले जनाएको छ । सो सडकका लागि अहिले सम्म २३ करोड ३१ लाख ८५ हजार रुपैयाँ भने भुक्तानी भइसकेको छ । पूर्वाधार विकास कार्यालय मोरङका प्रमुख सुशील श्रेष्ठले निर्माण व्यवसायीहरूले काम नगर्दा समस्या भएको बताए ।