उदयपुर । उदयपुरगढी गाउँपालिकामा एक व्यक्तिले श्रीमतीको विभत्स हत्या गरेका छन्।
वडा नम्बर ५ मौवासीका ४५ वर्षीय रमेश राईले ‘परपुरुषसँग सम्बन्ध राखेको’ आरोप लगाउँदै ३४ वर्षीया श्रीमती सुभन्द्रा बुढाथोकीको गुप्ताङ्गमा घोँचो प्रहार गरेर हत्या गरेका हुन्।
घटनापछि सुभन्द्राको तत्काल मृत्यु भएको प्रहरीले जनाएको छ।
आफू काममा गएर आउँदा श्रीमतीले परपुरुषसँग अनैतिक सम्बन्ध राखेको आरोपमा वादविवाद हुँदा श्रीमतीको यौनाङ्गमा घोचा घुसारेको राईले बयानका क्रममा बताएका छन् ।
दुवै जनाले सडक मजदुरी गरी जीविकोपार्जन गर्दै आएका थिए ।

घटनाको दिन श्रीमती काममा नगएकी स्थानीयले जानकारी दिए । राईका दुई वटी श्रीमतीमध्ये मृतक सुभद्रा कान्छी श्रीमती हुन् ।