+
Search

ताजा अपडेट +

पपुलर +

भोजपुरमा खुल्ला मेयर कप महिला फुटबल प्रतियोगिता सुरु

उद्घाटनपछि भएको २ खेलमा धनकुटा र कन्काइ झापा सेमीफाइनलमा प्रवेश

नागरिक आवाज
२०८१ चैत्र २०, बुधबार २१:०२ गते

भोजपुर । भोजपुरमा खुल्ला मेयर कप महिला फुटबल प्रतियोगिता सुरु भएको छ । आजबाट शुरुभएको प्रतियोगिताको पहिलो खेलमा धनकुटा नगरपालिकाले मोर्डन इरा विराटनगरलाई सुन्यको विरुद्ध २ गोल गर्दै पराजित गरेको छ भने आजै भएको दोस्रो खेलमा कन्काइ झापाले खाँदबारी संखुवासभालाई ट्राइैवेकरमा १ का विरुद्ध ३ गोल गर्दै पराजित गरेको छ । धनकुटा नगरपालिका र कन्काइ झापा सेमी फाईनलमा प्रवेश गरेका छन् ।
सातौँ संस्करणको महिला फुटबल प्रतियोगितामा धनकुटा नगरपालिका, भोजपुर नगरपालिका–१०, भैसिपंखा, खाँदवारी नगरपालिका, कनकाई झापा, टेम्केमैयुङ गाउँपालिका र मोर्डन इरा विराटनगर गरी छ टिमले सहभागीता जनाएका छन् ।
प्रतियोगितामा विजेता हुने टिमले नगद एक लाख पाँच हजार पाँच सय ५५ रुपैयाँ र उपविजेता टिमले नगद ५१ हजार पाँच सय ५५ पाउने छन् भने व्यक्तिगत विधा तर्फका पुरस्कारको पनि व्यवस्था गरिएको आयोजकले जिल्ला फुटबल संघ भोजपुरका अध्यक्ष प्रविन सुवालले बताए ।
भोजपुर जिल्ला फुटबल सङ्घको आयोजना तथा भोजपुर नगरपालिकाको प्रायोजनमा भोजपुर सदरमुकामा रहेको रंगशालामा सातौँ संस्करणको महिला फुटबल प्रतियोगिताको शुरु भएको हो । खेलको भोजपुर नगरपालिकाका नगर प्रमुख कैलाश कुमार आले टेम्केमैयुङ गाउँपालिकाका अध्यक्ष सरोज बस्नेत, पौवादुङ्मा गाउँपालिकाका अध्यक्ष किरण राई र भोजपुर नगरपालिकाको उप प्रमुख निर्मला शेर्पाले संयुक्त रुपमा उद्घाटन गरेका हुन् ।

प्रतिक्रिया

लेखकको बारेमा

नागरिक आवाज