इटहरी । इटहरी चोकमा सञ्चालनमा रहेको व्यवसायिक भवन सेन्ट्रल प्लाजामा लागेको आगो नियन्त्रणमा लिन सकस भएको छ। सेन्ट्रर प्लाजाको पाचौं तलाबाट सुरु भएको आगो अरु स्थनमा पनि फैलिएको छ ।
गृहमन्त्रालयले भवनभित्र केही व्यक्तिहरू फसेको भनेपछि उनीहरूको उद्धारका लागि सेनाको हेलिकोप्टर पठाइसकेको छ ।
आगलागी नियन्त्रणका लागि चारवटा दमकल र सयौं प्रहरी परिचालन गरिएको सुनसरीका प्रहरी प्रमुख एसपी सुमनकुमार तिम्सिनाले बताए । सेन्टर प्लाजामा होटल बरण्डा, फिलिम हल, लक्ष्मी सनराइज बैंक लगायत दर्जनौं व्यवसाय सञ्चालनमा रहेको छ ।
प्लाजामा व्यवसाय गर्ने व्यवसायी र दर्जनौं कामदार रहेका थिए । उनीहरुलाई उद्दार गर्न प्रहरी र स्थानियबसिन्दाले प्रयास गरिरहेका छन् । आगोको मुस्लोआ कारण प्लाजामा भएका व्यवसायी र कामदारहरू बाहिर निस्कन समस्या भएको छ। उनीहरूलाई सकुशल उद्दार गर्न पहल गरिएक थियो ।
आगो नियन्त्रण गर्न अग्लो भवन भएका कारण समस्या भएको छ ।

इटहरीका राजेश श्रेष्ठको व्यवसायिक भवनमा आगलागी भएको हो। आगलागी विद्युत सट भएर अथवा ग्यास लिक भएर भएको हुनसक्ने अनुमान गरिएको छ ।