भोजपुर । नेकपा (एमाले) का स्थायी कमिटी सदस्यसमेत रहेका पूर्वमन्त्री शेरधन राईले मुलुकमा अस्थिरता चाहने शक्तिहरु सल्बलाउँदै गएको बताएका छन् ।

एमाले भोजपुरले जिल्ला सदरमुकाममा सोमवार गरेको जनजागरण सभालाई सम्वोधन गर्दै राईले मुलुकमा अराजतकता, अस्थिरता चाहने र प्रतिगामी तत्वहरु अहिले सल्वलाई रहेको बताए । संविधान बिरोधी, संघीयता प्रणाली बिरोधी, स्थिरता नचाहने तत्वहरु अहिले संगठितरुपमा सल्ब्लाएर बिभिन्न हर्कतहरु गरिरहेको राईको भनाई छ । राईले त्यस्ता गतिविधीलाई परास्त गर्न जरुरी रहेको भन्दै परिवर्तनकारीहरु शक्तिहरु एकजुट हुन आवश्यक रहेको बताए ।

प्रजातन्त्र, लोकतन्त्र, गणतन्त्र र परिवर्तनका लागि एमालेले नेतृत्वदायी भुमिका निर्वाह गरेको भन्दै राईले एक सय चार बर्षको जहाँनिया राणा शासनको अन्त्य पनि जनताबाट नै भएको बताए। संघीय लोकतान्त्रिक गणतन्त्रका बिरोधीलाई परास्त गर्न सवै एकजुट हुन पनि जरुरी रहेको राईको धारणा थियो ।

जिल्ला कमिटि अध्यक्ष मक्कर बहादुर खडकाको अध्यक्षतामा आयोजित जनजागरणसभामा केन्द्रिय सदस्य तथा भोजपुर जिल्ला इन्चार्ज पर्शुराम अधिकारी, भोजपुर प्रदेशसभा (ख) का इन्चार्ज हरिवहादुर राई, उपसचिव रमा राईले सम्वोधनमा मुलुकलाई पछाडी धकेल्ने काम राजाको शासनकालमा भएको बताउँदै राजा हटेर संघीय गणतन्त्र कार्यान्वयनमा आएसँगै बिकास निर्माण लगायतको परिवर्तन भएकाले फेरी राजसंस्था पुनस्थापना हुन नसक्ने दावी गरे ।