भोजपुर । विकासको लागि पहुँच र अवसर हुँदा कुनै कुसुर बाँकी नराखी बजेट विनियोजन गर्ने गरेको छु । कुनैपनि मौका अवसर पाउने वित्तिकै आफुले जिल्ला भित्र विकासको लागि बजेट विनियोजन गरेको पुर्व मुख्यमन्त्री राईले बताएका छन् ।

उन्ले शारदा आधारभुत विद्यालयको ६५ औं बार्षिक उत्सवको अवसरमा अवसर हुँदा विकासको बजेट ठोकीहाल्ने बताएका छन् । आफु मुख्यमन्त्री रहँदा जिल्लाको सबै भन्दा ठुलो योजना २ अरब भन्दा बढीको दिङ्ला–तिन्तले र तिन्तले भोजपुर सडक कालोपत्रेको लागि बजेट विनियोजन भएको हो । षडानन्द नगरपालिका–९ किमालुङमा मोटोरेबल पुल, चिर्खुवा खोलामा मोटोरेबल पुल, हिलेभञ्ज्याङ देखि बोया हेलौंछा हुँदै बोया सडक, याङ्गुवा नख्वामा मोटोरेबल पुल जस्ता ठुला ठुला योजना अवसर हुँदा आफैले ठोकेको उनले बताएका छन् ।

आफुले गरेको विकासे योजनाको बजेटिङ र कार्य सम्पादन हेरेर विभिन्न कार्यक्रममा आफुलाई निम्तो आउने गरेको छ । उन्ले भने मलाई जहाँबाट निम्तो आउँछ म जहाँ उपस्थित हुन्छु त्यहाँ केहिन केहि विकासको थालनी हुन्छ । विद्यालयको लागि पनि आवश्यक र मौका मिल्ने वित्तिकै केहि न केहि विकासको लागि पहल हुने समेत राईले बताएका हुन् ।

पुर्व मुख्यमन्त्री राईले आफु सरकारमा हुँदा एक हजार भन्दा धेरै योजनाहरु विनियोजन गरेको दावी गरेका छन् ।