बेल्टार। उदयपुरको चौदण्डीगढी नगरपालिका–७ बेल्टारका कुमारचन्द्र राईको हङकङमा निधन भएको छ ।
पाँच वर्षपहिले रक्तचाँप (प्रेसरले हानेर) थला परेका राईको हङकङ स्थित चाइवान भन्ने हेल्थ केयर सेन्टरमा उपचाररत थिए ।
हङकङस्थित बसाहाली इन्द्र राईका अनुसार अन्दाजी ५५ वर्षीय राईको हङकङको समय २ बजे निधन भएको हो ।
इन्द्रराईको अनुसार कुमारको उपचारको लागि ‘हङकङ सोसल वल्ड सेन्टर’ले १८ हजार हङकङ डलर उपलब्ध गराउँदै आएको थियो ।
स्वर्गीय कुमार ०७४ को स्थानीय निर्वाचनमा नेपाली कांग्रेसले टिकट नदिएपछि तत्कालिन संघीय समाजवादी पार्टीको तर्फ बाट चौदण्डीगढी नगरपालिकाको मेयर पदका प्रत्यासी थिए भने विभिन्न सामाजिक कार्यमासमेत उनको उत्तिकै योगदान रहेको छ ।
उनको पार्थिव शरीरलाई हङकङ स्थित बसाहाली समाज, वान्ताखिम, किरात राई यायोक्खा लगायतका संस्थाले हङकङमै अन्त्योष्टि गर्ने सरसल्लाहा भएको छ ।
तर उता नेपालबाट पारिवारीक सरसल्लाहा के कस्तो हुन्छ त्यहीँ अनुसार गरिने समाजसेवी इन्द्र राईले बताए ।
स्वर्गीय कुमार राई तीनलाखे भनेर बेल्टार बजारमा चिनिएका स्व. तिलक राई र कला राईका छोरा थिए ।
स्व. राईका एक छोरी हङकङमै बसोबास गर्छन भने उनको एक छारो बेल्टारमै रहेका छन् ।
लेखकको बारेमा
प्रतिक्रिया