भोजपुर । हत्यामा दोषी ठहर भएका व्यक्ति २४ वर्षपछि पक्राउ परेका छन् । पौवादुङमा गाउँपालिका –६ का ४६ बर्षीय शान्त कुमार राई पक्राउ परेका हुन् । उनलाई जिल्ला प्रहरी कार्यालय भोजपुरले पक्राउ गरेको हो ।
साविक ठुलोदुङमा गाविस ८ का विजय कुमार राईलाई शान्त कुमार राईले २०५७ साल साउन १३ गते मरणासन्न हुने गरी कुटपिट गरी घाइते बनाएका थिए । उनको जिल्ला अस्पताल भोजपुरमा उपचारको क्रममा साउन १८ गते मृत्यु भएको थियो ।
घटना पश्चात तत्काल भागी फरार रही लुकि छिपी बस्दै आएका राईको खोजतलासको क्रममा गाउँ घरमा नै आएको अवस्थामा प्रहरीले २०८१ साल फागुन २५ गते पक्राउ गरेको हो । पक्राउ परेका राईलाई तोकिएको कैद सजाय भुक्तानको लागि जिल्ला कारागार भोजपुर पठाइएको छ ।