भोजपुर । भोजपुरको षडानन्द नगरपालिकामा आजबाट १५ सय ३ जना किशोरीहरुलाई एच।पि।भि खोप लगाईदै छ । देशभर माघ २२ गतेदेखि २७ गतेसम्म लगाईने खोप षडानन्द नगरपालिकामा विशेष कारण आज माघ २७ गतेबाट लगाईएको षडानन्द नगरपालिका स्वास्थय शाखाका अधिकृत सुन्दर श्रेष्ठले जानकारी दिएका हुन् ।

विद्यालय जाने कक्षा ६ देखि १० कक्षा सम्म र विद्यालय नजाने १० बर्षदेखि १४ बर्ष सम्मका किशोरीहरुलाई एच.पि.भि खोप दिईने छ । षडानन्द नगरपालिकाभरि १५ सय किशोरीहरुलाई पाठेघरको मुखको क्यान्सर विरुद्धको खोप ३७ वटा केन्द्रमा ७४ जना स्वास्थ्य कर्मीहरुले लगाई रहेको छ ।

माघ २७ गतेदखि सुरु भएको पाठे घरको मुखको क्यान्सर विरुद्धको खोप माघ २९ गतेसम्म चल्ने समेत अधिकृत श्रेष्ठले बताए ।