भोजपुर । लामो तथा छोटो दुरीका लागि सञ्चालन हुने यात्रुबाहक सवारी यातायातहरुले आफ्नो गाडीमा डस्वीन अनिवार्य राख्नु पर्ने भएको छ । यातायात व्यावसायी, ट्याक्सी व्यावसायी, ट्म्पो व्यावसायी, उद्योग वाण्ज्यि संघ, जिल्ला प्रहरी कार्यालय, ट्राफिक प्रहरी, र सरोकारवला निकायहरुको भोजपुर नगरपालिकामा बसेको वैठकले लामो तथा छोटो दुरीमा सञ्चालन हुने यात्रुबाहक सवारी साधानले आफ्नो गाडीमा अनिवार्य डस्वीन राख्नु पर्ने निर्णय गरेको हो ।

नगरपालिका भित्र यातायातमा सवार यात्रुहरुले फोहोर जथाभावी फ्याके फाल्ने गरेकोले फोहोर व्यवस्थापन गर्न गाडीमा डस्वीन राख्नु पर्ने भएको हो । गाडीमा संकलन भएको फोहोर व्यवस्थापन गर्न निश्चित ठाउँमा नगरपालिकाले डस्वीनको व्यवस्था गर्ने भएको छ भने त्यसका संकलन भएको फोहोर नगरपालिकाले उठाउने छ ।

प्रत्येक गाडीमा डस्वीन राखेर फोहोर व्यावस्थापन गर्न यातायात व्यवसायी तयार भएका छन् भने यात्रु र सर्वसाधरणलाई समेत फोहोरलाई जथाभावी नफाली डस्वीनमा फालेर सहयोग गर्न भोजपुर नगरपालिकाका प्रमुख प्रशासकिय अधिकृत मुकुन्द राईले आग्रह गरेका छन् ।

यस्तै, फोहोर व्यावस्थापनमा सवैको उत्तिकै जिम्मेवारी हुने भएको हुदाँ फोहोर व्यावस्थापनका लागि यातायात व्यावसायीहरुलाई प्रत्येक गाडीमा डस्वीन राख्न लगाउने यातयात व्यवासयीहरुले प्रतिवद्धता जनाएका छन् ।