भोजपुर । भोजपुरको षडानन्द नगरपालिकामा करेन्ट लागेर एक पुरुषको निधन भएको छ । करेन्ट लागेर षडानन्द नगरपालिका-४ का बर्ष २९ को आशिष राईको निधन भएको जिल्ला प्रहरी कार्यालय, भाेजपुरले जनाएको छ ।
षडानन्द नगरपालिका-४, काभ्रेमा मालबाहक एलपी गाडीबाट बिजुलीको पोल अनलोड गर्ने क्रममा पोलले विजलीको तार छोएपछि अचानक करेन्ट लागेर राईको मृत्यु भएको थियो ।
उनलाई उपचारको लागि प्राथमिक स्वस्थ्य केन्द्र, मुलपानीमा ल्याइएको थियो । उनको प्राथमिक स्वास्थ्य केन्द्र मुलपानीमा मृत्यु भएको प्रहरीले जनाएको छ । मृतकको शव पोष्टमार्टमका लागि खाँदबारी लगिएको छ ।
