भोजपुर । घरमा राखेको मोटरसाईकलमा आगजनी गर्ने दुई जना प्रक्राउ परेका छन् । भोजपुर नगरपालिका –९ पानीट्याङ्कीमा स्थानीय सन्जु तामाङको घरको आगनमा राखेको ८४ प ५२१४ नम्बरको मोटरसाइकलमा आगजनी गर्ने ३३ वर्षीय लाक्पा शेर्पा र ३० वर्षीय पासाङ शेर्पालाई जिल्ला प्रहरी कार्यालय भोजपुरले पक्राउ गरेको हो ।
मादक पदार्थ सेवन गरेका उनीहरु आगजनी पश्चात फरार रहेकोमा लुकेर बसेको अवस्थामा बुधबार राती नियन्त्रणमा लिएको हो । पक्राउ परेको उनीहरुलाई जिल्ला अदालत भोजपुरबाट म्याद थप गरी अनुसन्धान थालेको प्रहरीको भनाइ छ ।
